Pepeha

Ko Hauturu-o-Toi te Moutere kōingo

Ko Te Tamaahua, ko Te Nanakia ngā Maunga tapu

Ko Pākirikiri te Wahi Tupuna

Ko Te Waikowhai te Wahi Tapu

Ko Pou Tawa te Awa

Ko Tīkapa te Moana

Ko Ngāi Tāhuhu, ko Te Kawerau, ko Ngāti Manuhiri, ngā iwi Tupuna

Ko Te Uri-o-Katea te Hapu

Ko Te Kawerau, Ko Ngāti Wai, ko Ngati Whatua, Ko Te Uri-o-Hau ngā whanaunga takatāpui

Ko Moekakara, ko Māhuhu-ki-te-Rangi, ko Tainui ngā waka Whakaeke

Ko Te Urunga raua Ko Te Kiri Patuparāoa ngā Tupuna

Ko Omaha te Marae

Ko Te Kiri Patuparāoa te Wharenui

Ko Hine Hauturu te Whare Kai

Ko Manuhiri te Tupuna Rongonui

Whano, whano,

Haramai te toki,

Haumi e,

Hui e, Taiki e

Tīhei Mauri ora !

He Mihi

Ko te mea te tahi, he mihi ki ngā Atua, te timatatanga o ngā mea katoa,

te mātāpuna o te tapu, a te mana hoki 

Ka huri tāku mihi ki ngā tūpuna, e takoto mai ra, kei runga i te whenua

nei, a kua ngaro i te po, ara, ko Ngāti Ruangakau, ko Ngāti Te Awa, ko Ngāti Marohiro

Takoto mai rā, takoto mai rā, takoto mai rā

Karanga mai ngā iwi onamata

Arā, Ko Ngāi Tāhuhu, Te Kahikatearoa, Te Uri-o-Tūrangi,  

Ko ngā Pou tokomanawa rātou ki a tātou

Ka mihinui ki a rātou kua haere atu ki tua o te Arai

Nō reira e ngā mate haere, haere, haere atu rā

Apiti hono tātai hono

Ratou te hunga mate, kia ratou

Ko Tātou hoki ko te hunga ora ki a tatou

Ka aroha atu ki ngā Uri-o-Manuhiri o te Awa hoki,

nō reira, tena koutou, tena koutou, tena tātou katoa